• FICHA

  - ISBN: 978-84-945411-4-8

   

  - 456 páxs.

   

  - 128 x 198 mm

   

  - Encadernación rústica.

   

  - Tradución de Celia Recarey.

   

  - Ilustración de cuberta: Carlos Valdés.

   

  - Deseño e maquetación: Irmás Cartoné.

   

• SOBRE O AUTOR

  Herbert George Wells (1886-1946) naceu en Kent, no seo dunha familia de clase traballadora. Tivo que traballar desde moi novo para contribuír á economía famliar, vivindo de primeira man a explotación laboral como aprendiz nunha tenda de tecidos. En 1884 entrou de bolseiro na Normal School of Science, onde espertou o seu interese pola ciencia, a historia e o cambio social. Pouco despois comezaría a escribir, alcanzando grandes éxitos de vendas coas súas obras, das que máis adiante se farían memorables adaptacións á radio, ao cine e á televisión.

   

• SOBRE O LIBRO

  Arthur Kipps é un mozo orfo que traballa de aprendiz nun comercio de tecidos até que un día un anuncio nun xornal, seguido por unha inesperada herdanza, transforman a súa vida. A partir de entón coñecerá a opulencia e o luxo, a ilusión e o amor, o compromiso e a traizón.

   

  Afastada das ficcións científicas que fixeron célebre a H.G. Wells e considerada polo propio autor como a súa favorita, Kipps é unha novela social de fortes reminiscencias autobiográficas na que un protagonista en ocasións cómico e en ocasións tráxico se enfronta a obstáculos aparentemente insalvables no seu percorrido a través das distintas capas da sociedade inglesa de finais do século XIX.

   

  * Preme nas gafas para ler as primeiras páxinas.

Máis ›

FALA CON NÓS