DÚBIDAS? 1. Gustaríame apoiar o voso proxecto subscribíndome, pero tamén quero apoiar a miña libraría de cabeceira Non hai problema ningún: subscribirte á Newsletter Cartoné dáche dereito aos descontos nas compras que nos fagas directamente, pero non é obrigatorio que nos compres a nós. Podes, por exemplo, comprar as novidades na túa libraría e comprarnos a nós, co teu desconto de subscritor/a, as cousas que non deas atopado nela. 2. Teño a obriga de comprar todas as novidades? Non. En principio, ao subscribirte, enviarémosche todas as novidades, pero informarémoste con antelación sobre cada título para que poidas indicarnos se non queres recibir algún. 3. Como fago os meus pedidos? Só tes que escribirnos a info@irmascartone.com e dicirnos que queres que che enviemos e a onde (se é a un enderezo distinto do que nos proporciones á hora de te subscribir). 4. Cales son os gastos de envío? Se es subscritor/a e resides dentro da UE, non pagas gastos de envío. 5. Cal é a periodicidade da subscrición? Renóvase automaticamente? A subscrición é anual, e renovarase automaticamente salvo que nos indiques o contrario antes de que remate o período actual. 6. Eu xa son subscritor/a de Irmás Cartoné, teño que subscribirme á Newsletter Cartoné para seguir a ser? Non, podes manter a túa subscrición nas mesmas condicións, pero pénsao, que a Newsletter Cartoné é moi chula!

TAMÉN ESTAMOS AQUÍ

SOBRE AS IRMÁS

Irmás Cartoné é unha pequena editora independente dedicada á tradución ao galego de textos clásicos da literatura universal.

Máis ›

FALA CON NÓS

 

info@irmascartone.com

 Theme design by MuseLayers.