‹   Volver

• FICHA

  - ISBN: 978-84-945411-8-6

   

  - 136 páxs.

   

  - 128 x 198 mm

   

  - Encadernación rústica, cosida.

   

  - Tradución de Lara Domínguez Araúxo.

   

  - Ilustración de cuberta: Carlos Valdés.

   

  - Deseño e maquetación: Irmás Cartoné.

   

• SOBRE O AUTOR

  Nado en 1885 na cidade mineira de Eastwood, Inglaterra, nunha familia obreira, David Herbert Lawrence pronto destacou como escritor. Novelista, dramaturgo, ensaísta, poeta, converteuse nun dos autores máis relevantes e polémicos do seu momento.

   

  En 1919, abandona definitivamente o Reino Unido e inicia o que chama a súa «peregrinación salvaxe», residindo temporalmente en diversos lugares do mundo. Falece en 1930, na localidade francesa de Vence, a consecuencia dunha tuberculose.

   

  A súa obra amosa un fondo interese polas relacións humanas en calquera das súas formas, así como polos espazos íntimos dos seus personaxes, os seus desexos, paixóns e o exercicio da liberdade individual fronte ás restriccións sociais. Perseguido pola censura e por certos sectores da crítica en vida e postumamente, un tardío recoñecemento á súa calidade literaria procuroulle unha posición indiscutible entre os grandes nomes da literatura universal.

• SOBRE O LIBRO

  Finalizados os seus estudos no estranxeiro, as irmás Saywell, Yvette e Lucille, regresan ao fogar paterno, onde as agarda unha vida monótona e gris dominada pola presenza hostil da avoa e o rexeitamento familiar á figura de súa nai, que abandonou a seu pai anos antes.

   

   A única distracción das mozas son os paseos en coche coas súas amistades. O encontro cunha familia xitana durante unha desas excursións suporá un punto de inflexión para Yvette, en quen acordará un desexo até entón descoñecido para ela.

   

  Publicada postumamente en 1930, A virxe e o xitano foi recibida inmediatamente como unha das obras mestras de Lawrence, capaz de ofrecernos nas súas breves páxinas o brillante relato dun espertar espiritual, intelectual e sexual.

   

  * Preme nas gafas para ler as primeiras páxinas.

Máis ›

FALA CON NÓS